როგორც სააგენტო უნიანის კორესპონდენტი იტყობინება, ამის შესახებ განაცხადა უკრაინის სამხედრო-საზღვაო ძალების მეთაურმა, კონტრ-ადმირალმა სერგეი გაიდუკმა.

„ბოლო დროს გახშირდა სამხედრო ნაწილების ძალისმიერი დემონსტრაციული აღებები იარაღის გამოყენებით“, - თქვა კონტრ-ადმირალმა.

ასევე დასძინა, რომ სიმფეროპოლში უკრაინელი ოფიცერი დაჭრეს: „სიმფეროპოლში ოფიცერმა ფეხში ორი ჭრილობა მიიღო. მას სამედიცინო დახმარება გაუწიეს, სიცოცხლის საფრთხე არ არის“.

გარდა ამისა, გაიდუკმა თქვა, რომ რუსი სამხედროები ყირიმში ფეოდოსიის გარნიზონში სამხედრო ნაწილების შესასვლელებს ნაღმავენ.

მისი თქმით, ნახევარკუნძულზე ასევე გახშირდა ოფიცრების გატაცება.

„ამ მომენტისთვის დაფიქსირებულია 5 ოფიცრის გატაცება. ორი ოფიცრის დაბრუნება შევძელით, ხოლო სამი დაკავებული ჰყავთ ეგრეთ წოდებულ „ყირიმის ტავდაცვის“ ძალებს“, - აღნიშნა გაიდუკმა.

ასევე კონტრ-ადმირალმა აღნიშნა, რომ დაფიქსირდა სამხედრო-სამედიცინო ობიექტებისა და პერსონალის მიმართ ცინიკური მოპყრობა.