ყველაზე მავნე 6 სასმელი - სიმსივნის რისკფაქტორები და გულის დაავადებები

ეს საინტერესოა - 19:24, 18 Mar, 2014

25542

მძიმე ლიქიორი

ეს სასმელი, ძირითადად, ქალებს უყვართ. მართალია, დღეში ერთი ჭიქა ლიქიორი სისხლის მიმოქცევას აუმჯობესებს და მეტაბოლიზმს აჩქარებს, თუმცა მძიმე ლიქიორს ცუდი თვისებაც აქვს: ერთი ჭიქის დალევის შემდეგ, ადამიანს მასზე უარის თქმა უჭირს და მეორე, მესამე… ჭიქის მოთხოვნილებაც უჩნდება. დოზის გადაჭარბება კი გულის დაავადებებს იწვევს და სიმსივნის რისკფაქტორს 36%-ით ზრდის.

არომატიზირებული წყალი

ვინც სასმელ წყალს არომატიზატორებს ამატებს, აუცილებელია იცოდეს, რომ ის ორგანიზმისთვის ძალიან მავნეა. არომატიზატორები ხელოვნური დანამატებისგან და დიდი რაოდენობით შაქრისგან შედგება.

ხილის წვენი

თუ ხილისგან წვენს სახლში წურავთ და მხოლოდ მას მიირთმევთ, თქვენი ორგანიზმი ვიტამინებით გამდიდრდება, ხოლო მაღაზიაში ნაყიდი ნებისმიერი სახის წვენი სარგებლობის მოტანის ნაცვლად, ზიანს მოგაყენებთ. მსოფლიოში არ არსებობს არც ერთი კომპანია, რომელიც 100%-ით ნატურალურად დამზადებულ წვენს ყიდის. როგორც წესი, შეფუთული წვენები ხელოვნური ნივთიერებებისგან და საღებავებისგან მზადდება.

ცივი ყავა

რძისგან, ნაღებისგან, შოკოლადისა და მუსისგან დამზადებული ცივი ყავა ზაფხულის ერთ-ერთი უგემრიელესი სასმელია, თუმცა მისი ნაკლი ზედმეტი კაროლიულობაა. ცნობილია, რომ ამ ინგრედიენტებით დამზადებული 1 საშუალო ზომის ჭიქა ცივი ყავა 800 კალორიას შეიცავს.

გაყინული ხილის კოქტეილი

გაყინული ხილის კოქტეილს პინაკოლადასაც უწოდებენ. ცივი ყავის მსგავსად, ისიც ,,სულ რაღაც” 880 კალ-ს შეიცავს. ეს კი საქონლის ხორცის ერთ ნაჭერზე რვაჯერ უფრო კალორიულია.

გაზიანი სასმელები

მავნე სესმელებს შორის ორგანიზმს ყველაზე მეტ ზიანს გაზიანი სასმელი აყენებს. წყლის გარდა, მათში ბუნებრივი და ნატურალური არაფერია. ისინი დიდი რაოდენობით შაქარს, ხელოვნურ დანამატებს, არომატიზატორებსა და საღებავებს შეიცავს.

მასალა მომზადებულია ,,lollipop.ge" მიერ.