ყირიმის მცხოვრებლებმა რუსეთს თხოვნით მიმართეს, რაზეც არ შეგვეძლო არ გვეპასუხა, სხვაგვარად ეს ღალატი იქნებოდა. ყირიმელებს ისტორიაში პირველად მიეცათ თვითგამორკვევის საშუალება. ჩვენი დასავლეთელი პარტნიორები კი საერთაშორისო კანონმდებლობის დარღვევაზე საუბრობენ. ყირიმში შეიარაღებული ძალები არ შესულან. ისინი იქ ისედაც იყვნენ შეთანხმების მიხედვით. თავის დროზე უკრაინამ ისარგებლა სწორედ გაეროს წესდებით თვითგამორკვეულიყო, და რატომ არ აქვთ ამის უფლება ყირიმში? კოსოვოში აბსოლუტურად ანალოგიურად მოხდა და ლეგიტიმურად გამოაცხადეს. ყველაფერი სრულიად ნათელია. ალბანელებისთვის შეიძლება, რუსებისთვის კი არა, რატომ? ეს უკვე ორმაგი სტანდარტიც არაა, ეს ცინიზმია.

მადლობა უკრაინელ სამხედრო მოსამსახურეებს, რომ ხალხის ნების წინააღმდეგ არ წავიდნენ და ყველაფერი უმსხვერპლოდ დასრულდა. აგრესიაზე და ინტერვენციაზე საუბრობენ და ამ დროს ერთი გასროლაც არ მომხდარა, - განაცხადა ვლადიმერ პუტინმა ყირიმის შეერთების შესახებ.