ფინანსთა სამინისტროს საგამოძიებო სამსახური უმცირესობის წევრის პავლე კუბლაშვილის განცხადებას ეხმაურება, სადაც საუბარია, რომ TV MR საქართველოში შემოწმების დავალება ოთარ ფარცხალაძემ ბერა ივანიშვილისგან მიიღო

საგამოძიებო უწყება TV MR საქართველოში შესვლას უარყოფს.

"გვსურს გამოვეხმაუროთ საპარლამენტო უმცირესობის წევრის, პავლე კუბლაშვილის განცხადებას, რომელიც ამბობს, რომ თითქოს საგამოძიებო სამსახური შესულია კომპანია TV MR საქართველოში და ითხოვს პერსონალურ მონაცემებს იმ პირთა შესახებ, რომელთა მეშვეობითაც ტელეკომპანიების რეიტინგები იზომება. ხაზგასმით აღვნიშნავთ, რომ საგამოძიებო სამსახური კომპანია "TV MR საქართველოში" არ შესულა, არც აქამდე ჰქონია რაიმე სახის შეხება და შესაბამისად, კუბლაშვილის განცხადება არის ტყუილი და მიზანმიმართული ქმედება, რომ საზოგადოებას მიეწოდოს მცდარი ინფორმაცია. საგამოძიებო სამსახური კიდევ ერთხელ მოუწოდებს ყველას, განსაკუთრებით პოლიტიკურ ფიგურებს, რომ თავი შეიკავონ მცდარი, არასწორი ინფორმაციის გავრცელებისგან", - ნათქვამია განცხადებაში.

პავლე კუბლაშვილმა დღეს განაცხადა, რომ კომპანია TV MR საქართველოს შემოწმების უკან ოთარ ფარცხალაძე დგას, რომელმაც დავალება, თავის მხრივ, ტელეკომპანია GDS-ის მესაკუთრის ბერა ივანიშვილისგან მიიღო.