ექსკლუზივი: 14 წლის მოაზრდმა 8 წლის ბიჭი გააუპატიურა

სამართალი - 12:13, 18 Mar, 2014

7145

გორის რაიონში თოთხმეტი წლის მოზარდმა მესამე კლასელი ბიჭი გააუპატიურა. ამის შესახებ ,,ნიუპოსტს“ ცოტა ხნის წინ აცნობეს. შემთხვევა გუშინ მოხდა.როგორც სანდო წყარო ირწმუნება, მსხვერპლის ბებიამ შვილიშვილი სახლთან ახლოს მდებარე მიტოვებულ შენობაში იმ დროს იპოვა, როცა მასზე ძალადობდნენ, რის შედეგადაც აფექტში ჩავარდნილმა ქალბატონმა შვილიშვილზე მოძალადე მეზობლის ბიჭის მოკვლა სცადა. წყაროს ცნობით, ქალბატონი 14 წლის მოზარდს ცივი იარაღით გაეკიდა, თუმცა მისი დაჭერა ვერ შეძლო. ძალადობის მსხვერპლის ოჯახს მომხდარის გახმაურება არ სურს.
“მე მეზობელი ვარ და ცოტა მიჭირს ამ თემაზე საუბარი. ზუსტად არ ვიცი იმ ბიჭმა ძალა იხმარა თუ არა, მაგრამ შემთხვევა რომ მოხდა ამას ნამდვილად გიდასტურებთ. მთელი უბანი მაგაზე ლაპარაკობს. ძალიან გამწარებულები არიან ბავშვის ოჯახის წევრები, ბებიას უნახავს ერთ-ერთ დანგრეულ შენობაში. ბავშვი რომ არ გამოჩნდა ბებიას ძებნა დაუწყია და გაუპატიურების მომსწრე გახდა. ოჯახს არ უნდა ამბის გახმაურება, პოლიციაშიც არ შეუტანიათ საჩივარი. მეტი არაფერი არ ვიცი, ძალიან გთხოვთ, ჩემს ვინაობასაც ნუ მიუთითებთ,“ - აცხადებს „ნიუპოსტთან“ საუბარში დაზარალებულის მეზობელი.

გიორგი ახალკაცი, „ნიუპოსტი“, გორი