სანდრო გირგვლიანის საქმეზე წინასასამართლო სხდომა 21 მარტისთვის გადაიდო. სასამართლომ დღევანდელ პროცესზე ბრალდების მიერ წარდგენილ მტკიცებულებებში ტექნიკური დეტალები დააზუსტა.

მომდევნო პროცესებზე კი ბრალდების მხარისა და დაცვის მხარის მტკიცებულებების წარდგენა მოხდება.

საქმეში სულ ბრალდებული 5 პირია: ვანო მერაბიშვილი, დათა ახალაია, გერონტი ალანია, ვალერიან მეტრეველი და ოლეგ მელნიკოვი.

ჩამოთვლილ პირებს ბარალად სამსახურებრივი უფლებამოსილების გადამეტება, არადამიანური მოპყრობა, მტკიცებულებების ფალსიფიკაცია და თავისუფლების უკანონო აღკვეთა ედებათ.

დღევანდელ პროცესს მხოლოდ ვალერიან მეტრეველი ესწრებოდა. საქმეში ბრალდებული პირებიდან სამი პატიმრობაში იმყოფება, ხოლო დათა ახალაია და გერონტი ალანია ამ დრომდე ძებნილებად ითვლებიან.