ნატოს AWACS-ის სარადარო სისტემის მზვერავი თვითმფრინავები პატრულირებას პოლონეთისა და რუმინეთის საჰაერო სივრციდან განახორციელებენ, რათა უკრაინაზე დაკვირვება მოახდინონ, - განაცხადა ალიანსის წარმომადგენლემა.

ინფორმაციას liga.net ავრცელებს.

,,ალიანსის საბჭომ მიიღო გადაწყვეტილება, უკრაინის კრიზისიდან გამომდინარე, დაკვირვების მიზნით, განახორციელოს AWACS-ის ფრენები პოლონეთისა და რუმინეთიდან ნატოს ძალისხმევის ფარგლებში. ყველა სადაზვერვო ფრენები განხორციელდება მხოლოდ ალიანსის წევრი ქვეყნების ტერიტორიაზე“, - განაცხადა ალიანსის წარმომადგენელმა.

მისი სიტყვებით, აფრენა მოხდება გაილენკირხენის (გერმანია) და ვედინგტონის (დიდი ბრიტანეთი) ნატოს სამხედრო ბაზებიდან.

მან ასევე დასძინა, რომ პირველი სადაზვერვო ფრენა, სავარაუდოდ, უახლოეს დღეებში განხორციელდება.