ცოტა ხნის წინ ყირიმში საარჩევნო უბნები დაიხურა და რეფერენდუმი დასრულდა.

ამ დროისთვის წინასწარი შედეგებით, რომლის დათვლაც საერთაშორისო დამკვირვებლებმა მოახერხეს, 93%-მა ყირიმის მოსახლეობის მისცა ხმა ყირიმის ნახევარკუნძულის რუსეთთან შეერთებას და მხოლოდ 7%-მა დაუჭირა მხარი უკრაინასთან შეერთებას. თუმცა, ყირიმის ნახევარკუნძლის 20%-ს შეადგენენ ყირიმელი თათრები და მათმა 90%-მა უარი თქვა რეფერენდუმში მონაწილეობაზე, რაც საეჭვოს ხდის წინასწარი მონაცემების პროცენტებს.

მიუხედავად იმისა, რომ ადგილობრივი ცესკოს წარმომადგენლები დღის განმავლობაში აცხადებდნენ, რომ დარღვევებს ადგილი არ ჰქონია, საერთაშორისო დამკვირვებლებისა და დაგილობრივი მედიის ინფორმაციით ადგილი ჰქონდა დარღვევებს, მათი თქმით, რეფერენდუმში მონაწილეობის მიღება შეძლეს არა მხოლოდ ყირიმის მაცხოვრებლებმა, არამედ ბოლო ერთი თვის განმავლობაში რუსეთიდან მასობრივად შემოყვანილმა რუსეთის მოქალაქეებმა, მათი რიცხვი 12 ათასს აღწევს და ისინი არიან, როგორც ჩვეულებრივი მოქალაქეები, ასევე რუსეთის სპეცსამსახურების წარმომადგენლები. იქ არიან კაზაკთა დრუიჟნები და ისინიც, სამოქალაქო ფორმაში გადაცმულები იღებდნენ მონაწილეობას.