გაეროში ყირიმის რეფერენდუმთან დაკავშირებულ კენჭისყრაზე, ჩინეთმა, რომელიც ძალიან ბევრ საკითხში უშიშროების საბჭოზე მხარს უჭერდა რუსეთს, ყირიმის რეფერენდუმის კენჭისყრაზე თავი შეიკავა. რუსეთი სრულ იზოლაციაში აღმოჩნდა.

დასავლელი დიპლომატები, ჯერ კიდევ კენჭისყრამდე იყვნენ დარწმუნებული, რომ რუსეთი მოახდენდა იმ დოკუმენტის ბლოკირებას, რომლის სახელწოდებაც იყო - ,,უკანონო რეფერენდუმი ყირიმში“.

მიუხედავად ამისა, ამერიკის შეერთებულმა შტატებმა მაინც შეიტანა რეზოლუციის პროექტი უშიშროების საბჭოზე, რითაც რუსეთის იზოლაციის მასშტაბების დემონსტრირება მოახდინა.

ჩინეთის პოზიციამ სრულად გაამართლა მათი მოლოდინი - პეკინმა რუსეთს მხარი არ დაუჭირა.