რეფერენდუმი დღეს დაიწყო. უბნები 8:00 გაიხსნა და 20:00 დაიხურება. ამომრჩეველთა სიებში 1,515 მილიონი ყირიმის და 305 ათასი სევასტოპოლის მაცხოვრებელია შეყვანილი. ყირიმში 1205 უბანია გახსნილი, სევასტოპოლში - 192.

ბიულეტინი სამ - რუსულ, უკრაინულ და თათრულ - ენებზეა დაბეჭდილი. რეფერენდუმის კითხვა ასე ჟღერს: მხარს უჭერთ ყირიმის რუსეთის ფედერაციაში შეასვლას რუსეთის ფედერაციის სუბიექტად თუ მხარს უჭერთ რესპუბლიკა ყირიმის 1992 წლის კონსტიტუციის აღდგენას და ყირიმის სტატუსს უკრაინის შემადგენლობაში.

ელოდებიან, რომ რეფერენდუმში მონაწილეობას მოსახლეობის 80% მიიღებს. კვლევების შედეგების მიხედვით, ყირიმის რუსეთის ფედერაციის შემადგენლობაში შეასვლას, გამოკითხულთა 90% უჭერს მხარს.

რეფერენდუმს რუსეთის გარდა, სხვა არცერთი ქვეყანა არ აღიარებს. უკრაინამ რეფერენდუმს ანტიკონსტიტუციური უწოდა და მოსახლეობას მისი ბოიკოტისკენ მოუწოდა.