Rolls-Royce-ის 6 ლეგენდარული მოდელი და მისი ახალი პროდუქტი (ფოტო)

ეს საინტერესოა - 15:11, 15 Mar, 2014

12104

ფეშენებელური ავტომობილების ლიდერი კომპანია Rolls-Royce ყოველთვის საინტერესო მოდელებს სთავაზობდა მომხმარებელს, მაგრამ არსებობს რამოდენიმე მოდელი, რომელიც კოლექციონერებისა და მდიდარი ადამიანების ოცნებადაა ქცეული:
1. Rolls-Royce 10-НР, რომელიც მსოფლიოში სულ 4 ცალია დარჩენილი, ერთერთი პირველი ავტომობილია, რომელიც ამ ფირმამ გამოუშვა. მისი სააუქციონო ფასი 3 მილიონ ფუნტს აღემატება.

2. Rolls-Royce Silver Cloud - 1955 წელს გამოვიდა. იგი გამოირჩეოდა იმით, რომ მისი სალონი მთლიანად ნატურალური მასალისფგანაა დამზადებული.

3. Rolls-Royce Phantom V - იმითაა გამორჩეული, რომ მას სახელმწიფოს მეთაურები იყენებდნენ, მათ შორის ინგლისის დედოფალი, შვედეთის მეფე და სხვ.

4. Rolls-Royce Silver Shadow - ამ მოდელმა ხელი შეუწყო ფირმის ოდნავ შელახული რეპუტაციის აღდგენას, ბევრი Rolls-Royce-ს ძველმოდურად თვლიდა, თუმცა დიზაინერებმა საწინააღმდეგო დაამტკიცეს - Rolls-Royce Silver Shadow იმდენად პოპულარული იყო, რომ მისი წარმოება საკმაოდ დიდი ხანი, 1965-დან 1980 წლამდე ხდებოდა.

5. Rolls-Royce Phantom Drophead Coupe - 2007 წელს გამოშვებული ეს კაბრიოლეტი მართლაც შესანიშნავი, მკაცრი სილამაზით გამოირჩევა.

6. Rolls-Royce Ghost - 2009 წლის მოდელი, რომელიც იმით გამოირჩევა, რომ ძალიან მოგაგონებთ BMW 7-ს, რაც არაა გასაკვირი - 1998 წელს Rolls-Royce გერმანული ავტოკონცერნის BMW-ს შემადგენლობაში შევიდა.