კორეის სახალხო-დემოკრატიულ რესპუბლიკაში თვლიან, რომ უკრაინაში მიმდინარე მოვლენები ადასტურებენ დასავლეთის ქვეყნების მიერ საერთაშორისო პრინციპების უგულებელყოფას.

„უკრაინის ბოლო, აღმაშფოთებელი მოვლენები, რომლთა პროვოცირებაც აშშ-ისა და დასავლეთის ქვეყნების წინასწარ მომზადებული სცენარებითა და მათი წაქეზებით მოხდა, დამაჯერებლად აჩვენებს, ვინ არის ჩვენ პლანეტაზე სინამდვილეში უბედურებებისგან დამცველი, ვინ ცდილობს დღის სინათლეზე სუვერენულ სახელმწიფოში შეჭრას და ხალხების თვითგამორკვევის უფლების უხეშ დარღვევას“, - განაცხადა მოსკოვში კორეის სახალხო-დემოკრატიული რესპუბლიკის ელჩმა - კიმ იონ ჯემ.

ელჩმა ასევე ხაზი გაუსვა, ჩრდილოეთ კორეა მოხარულია იმის გამო, რომ რუსეთი ისწრაფვის „ეროვნული ინტერესებისა და სუვერენიტეტის დაცვას და ძლიერი სახელმწიფოს აშენბას“.

როგორც ცნობილია, 6 მარტს სირიის პრეზიდენტმა ბაშარ ასადმა თავის რუს კოლეგას - ვლადიმერ პუტინს გაუგზავნა ტელეგრამა, რომელშიც მას უკრაინის ტერიტორიაზე მოქმედება მოუწონა.

მოამზადა ლევან ებრალიძემ.