ტელეკომპანია „იმედთან“ ინციდენტი ამოწურულია. როგორც „ნიუპოსტს“ შინაგან საქმეთა სამინისტროში განუცხადეს, პოლიციას ინციდენტის დროს არავინ დაუკავებია.

შეგახსენებთ, რომ გადაცემა "რეაქციის" მსვლელობისას ტელეკომპანიასთან შეიკრიბნენ ახალგაზრდები, რომლებიც აპროტესტებენ ყველა იმ მოსაზრებას რომელიც მათი განცხადებით, ბოლო საათების განმავლობაში ეთერში ისმოდა „ნაციონალური მოძრაობის“ მხრიდან. მელორ ვაჩნაძე და მისი თანმხლები პირები დებატებში იწვევენ ოპოზიციის წარმომადგენლებს, რადგან მათთვის მიუღებელია ყველა ის მოსაზრება, რომელიც 2008 წლის ომთან დაკავშირებით, უმცირესობის წევრებს აქვთ. ადგილზე ინციდენტიც მოხდა. ლადო ვარძელაშვილის მანქანას, როდესაც ის ტელეკომპანიის ტერიტორიას ტოვებდა, კვერცხები დაუშინეს.