აკრძალული ნივთებით სარგებლობისთვის პატიმრებს ბრალი წარედგინათ

სამართალი - 23:58, 14 Mar, 2014

1837

აკრძალული საგნის შენახვა-სარგებლობის ფაქტზე სამ მსჯავრდებულსა და ერთ ბრალდებულს ბრალი წარედგინა აღნიშნულის შესახებ ინფორმაციას სასჯელაღსრულების სამინისტრო ავრცელებს.
„2014 წლის 13 მარტს, მსჯავრდებულებს კ.მ.-ს, პ.ჩ.-სა და რ.ბ.-ს, ასევე ბრალდებულ ს.რ.-ს საქართველოს სსკ-ის 3782-ე მუხლის პირველი ნაწილით, თავისუფლების აღკვეთის დაწესებულებაში მოთავსებული პირის მიერ აკრძალული საგნის შენახვისა და სარგებლობის ფაქტზე ბრალი წარედგინათ.
გამოძიების თანახმად, სასჯელაღსრულების დეპარტამენტის N15-ე დაწესებულების მსჯავრდებული პ.ჩ. ფარულად ინახავდა ალკოჰოლურ სასმელს, რომელიც 2014 წლის 20 თებერვალს, ხანგრძლივ პაემანზე გასვლის წინ პოლიეთილენის პარკში მოათავსა და საგუშაგოს მიმართულებით გადაიტანა. დადგენილი წესით ჩატარებული შემოწმება-დათვალიერებისას დაწესებულების თანამშრომლებმა მსჯავრდებულს ალკოჰოლური სასმელი ჩამოართვეს. 2014 წლის იანვარში N15-ე დაწესებულების მსჯავრდებულები კ.მ. და რ.ბ. ფარულად ინახავდნენ და ექიმის დანიშნულების გარეშე მოიხმარდნენ ფსიქოტროპულ ნივთიერებას. მსჯავრდებულები შემოწმების მიზნით ლ.სამხარაულის სახელობის სასამართლო ექსპერტიზის ეროვნულ ბიუროს ქიმიურ-ნარკოლოგიური ექსპერტიზის დეპარტამენტში გადაიყვანეს, სადაც ლაბორატორიული კვლევების შედეგად ბენზოდიაზეპინების ჯგუფის ფსიქოტროპული ნივთიერების მოხმარების ფაქტი დაუდგინდათ.
რაც შეეხება ბრალდებულ ს.რ.-ს, გამოძიების თანახმად, სასჯელაღსრულების დეპარტამენტის N8-ე დაწესებულებიდან თბილისის საქალაქო სასამართლოში ეტაპირებისას ჩატარებული შემოწმების დროს, ბრალდებულს შარვლის ჯიბეში ფულის ერთი კუპიურა, 100 ევრო აღმოუჩინეს.
აღნიშნული მუხლით ჩადენილი დანაშაული სასჯელის სახით სამ წლამდე ვადით თავისუფლების აღკვეთას ითვალისწინებს“, - ნათქვამია უწყების მიერ გავრცელებულ განცხადებაში.