400-ზე მეტმა მაიას ტომის წარმომადგენელმა მიიღო გადაწყვეტილება მონათლულიყვნენ ქრისტიანად ფილმ ,,იესოს“ ნახვის შემდეგ.

ეს ხდებოდა მექსიკაში სამი ღამის განმავლობაში კუნძულ იუკატანიზე.

ფილმის აღმასრულებელმა დირექტორმა ერიკ შენკელმა განაცხადა, რომ ფილმს, რომელიც ნათარგმნი იყო მაიას ენაზე, ყოვე საღამოს 500-მდე მცხოვრები უყურებდა:

,,მესამე საღამოს, ჩვენ განსაკუთრებით ვიყავით შეძრულნი მაიას ტომის ორი მოხუცი ქალბატონით, რომლებიც პირველ რიგებში ისხდნენ. ფილმის ნახვის პირველივე წუთებიდან, ისინი მთელი არსებით იყვნენ ჩართულნი და მონუსხულნი ფილმით დიდ ეკრანზე, სადაც მსახიობები მათ მშობლიურ ენაზე საუბრობდნენ. როდესაც ქრისტე შეიპყრეს, ეს ორი ქალბატონი წინ გადაიხარა და ეკრანს მიაშტერდა. ბავშვებიც კი გაჩუმდნენ. როდესაც ისეო ჯვარს აცვეს, ყველამ ერთად ამოიოხრა და როდესაც გაისმა მოწოდება სინანულისკენ, ეს ქალბატონები წინ გავიდნენ სალოცავად და მიიღეს ქრისტე, როგორც საკუთარი ღმერთი და მხსნელი“.

ორსაათიან დოკუმენტურ დრამას, იესოს ცხოვრების შესახებ, რომელიც დაფუძნებულია ლუკას სახარებაზე, 1979 წლიდან უყურეს მსოფლიოს თითქმის ყველა ქვეყანაში და ამავე წლიდან, ის ნათარგმნია ასობით ენაზე.

პროექტის შეფასებით, 200 მილიონზე მეტმა ადამიანმა გადაწყვიტა, მიეღო ქრისტიანობა ფილმის ნახვის შემდეგ.