რუსეთმა და დასავლეთმა ვერ მოახერხა, დასძლიოს უთანხმოება ყირიმის კრიზისთან დაკავშირებით, - ამის შესახებ რუსეთის საგარეო უწყების ხელმძღვანელმა სერგეი ლავროვმა აშშ-ს სახელმწიფო მდივანთან ჯონ კერისთან ლონდონში შეხვედრის შემდეგ განაცხადა.

თავის მხრივ აშშ-ს სახელმწიფო მდივანმა ჟურნალისტებთან გამართულ პრესკონფერენციაზე აღნიშნა, რომ რუსეთის საგარეო საქმეთა მინისტრმა მას გადასაცა, რომ ვლადიმერ პუტინი უკრაინასთან დაკავშირებით არ მიიღებს არანაირ გადაწყვეტილებებს ყირიმის 16 მარტის რეფერენდუმანდე.

,,აშშ-ს პოზიცია ამ რეფერენდუმთან დაკავშირებით გარკვეულია - ჩვენ ვთვლით, რომ რეფერენდუმი ყირიმში ეწინააღმდეგება უკრაინის კონსტიტუციას და საერთაშორისო სამართალს“, - ხაზი გაუსვა კერიმ.

მან აგრეთვე წუხილი გამოთქვა ყირიმსა და აღოსავლეთ უკრაინის საზღვრებთან რუსეთის შეიარაღებული ძალების მოქმედებასთან დაკავშირებით. ამასთან ერთად, კერიმ დაგმო ახალგაზრდა ადამიანების ხულიგნური გამოხტომები აღმოსავლეთ უკრაინაში.