ჩრდილო ატლანტიკური ალიანსის მებრძოლები, ამ მომენტისთვის, დონეცკში იმყოფებიან. ამის შესახებ გამოცემა „დონეცკიე ვესტი“ იტყობინება.

გამოცემის კორესპონდენტი წერს, რომ დონეცკში ჰიპერმარკეტ აშანში მოულოდნელად შეხვდა მყიდველთა ნაკადს - ნატოს სამხედროები პროდუქტებს იძენდნენ. ყველა მათგანი საველე ფორმაში იყო გამოწყობილი.

კორესპონდენტი აღნიშნავს, რომ ეს პროფესიონალი სამხედროები არიან, დაახლოებით 25-დან 40 წლამდე ასაკის. გადაადგილდებიან ორიდან ხუთ კაცამდე ჯგუფებად. ძირითადად ყიდულობენ კვების პროდუქტებს, სპირტიან სასმელს არ იღებენ.

„ბალტიის ქვეყნების წარმომადგენლები ბანანებს აწონინებდნენ, ფრანგები ფრანგულ საფირმო ყველს ყიდულობდნენ, სამხედროებში დიდი პოპულერობით სარგებლობს ჰიპერმარკეტის საკუთარი საცხობი და მინერალური წყალი. ისინი მონდომებით ყიდულობდნენ ქართულ და უკრაინულ მინერალურ წყლებს. სპირტიანი სასმელების განყოფილებაში არც ერთი ფორმინაი არ ყოფილა. მხოლოდ ორმა სამხედრომ (სავარაუდოდ პოლონელებმა) ჟურნალისტს სთხოვეს მიესწავლებინა, სად შეიძლებოდა უალკოჰოლო ლუდის პოვნა“, - გადმოსცემს კორესპონდენტი.

საინტერესოა ის ფაქტი, რომ ჯგუფების შემადგენლობებში სხვადსხვა ქვეყნის წარმომადგენლებს თავისი სამხედრო ემბლემები და განმასხვავებელი ნიშნები აქვთ. ბალტიის ქვეყნები, პოლონეთი, უნგრეთი, საფრანგეთი, დიდი ბრიტანეთი და შეერთებული შტატები.

„როსტოვის მიმართულებიდან რუსული ჯარების შემოჭრის საფრთხის პირობებში, სახელმწიფოების ასეთი ჭრელი ნაკრები ძალიან გონივრული ჩანს. ყველამ იცის, რომ ნებისმიერი აგრესია ბრიტანელი სამხედროს წინააღმდეგ ავტომატურად იწვევს მისი უდიდებულესობის ყველა შეიარაღებული ძალის საპასუხო დარტყმას. აშშ ამ პრაქტიკას კიდევ უფრო კატეგორიულ ფორმაში იყენებს - აშშ-ის მოქალაქეზე თავდასხმა არ შეიძლება დაუსჯელი დარჩეს მთელი არმიის ომში გაგზავნაც რომ გახდეს საჭირო. ნატოს ბლოკის სხვა წევრების წარმომადგენლები ამ სურათს კიდევ უფრო აძლიერებენ. უკრაინის აღმოსავლეთ რეგიონებზე დარტყმის ნებისმიერი მცდელობა, ავტომატურად გამოიწვევს აგრესორის ომს ალიანსის ყველა სახელმწიფოსთან“, - ხაზს უსვამს კორესპონდენტი.

მასალა შეგიძლიათ იხილოთ აქ: http://donetskie.com/novosti/2014/03/13/plan-putina-nakrylsya-soldaty-nato-uzhe-v-donetske

მომაზადა ლევან ებრალიძემ.