ავსრიის მთავრობამ აშშ-ის ფედერალური გამოძიების ბიუროს მოთხოვნით, ვენაში უკრაინელი ბიზნესმენი დიმიტრი ფირტაში დააპატიმრა.

ავსტრიის პოლიციაში სააგენტო ბიბისის განუმარტეს, რომ ბიზნესმენის დაპატიმრება უკრაინის ბოლო მოვლენებთან დაკავშირებული არ არის. მათი თქმით, ფირტაშის საქმით ფედრალური გამოძიების ბიურო რამდენიმე წელია დაკავებულია.

ავსტრიულ უწყებაში აცხადებენ, რომ დაპატიმრებული მოქალაქე ძებნაშია 2006 წლიდან და ბრალი ედება ქრთამის აღებასა და დანაშაულებრივი საზოგადოების ჩამოყალიბებაში.

ფირტაში, $3,3 მილიარდი ქონებით, უკრაინის ყველაზე მდიდარ ადამიანთა რეიტინგში მეოთხე ადგილს იკავებს.

2004 წელს უკრაინელმა ბიზნესმენმა რუსულ „გაზპრომთან“ ერთად, უკრაინასა და ევროკავშირის ქვეყნებში გაზის ტრანზიტის გასახორციელებლად კომპანია „რუსუკრენერგო“ შექმნა.