კუბლაშვილი ღარიბაშვილის განცხადებას კონტრარგუმენტით დაუპირისპირდა

სამართალი - 14:33, 13 Mar, 2014

1911

უზენაესი სასამართლოს თავმჯდომარე კონსტანტინე კუბლაშვილი, საქართველოს პრემიერის იმ განცხადებას გამოეხმაურა, სადაც პრემიერი სასამართლოს დამოუკიდებლად და ხელისუფლების წნეხისგან გათავისუფლებულად მიიჩნევს.
„ჩარევის ერთ-ერთი ფორმა არის ის, რაც გუშინ მოხდა. აღმასრულებელი ხელისუფლების ერთ-ერთი მთავარი სტრუქტურა გვიმზადებს პროექტს ჩვენთან ყოველგვარი კონსულტაციის გარეშე და გვეუბნება, რომ თქვენ ფაქტობრივად ასე უნდა გაგაუქმოთ. ეს გარკვეულწილად ამის ნიშანია სწორედ. ამაზე ფიქრობს ეს კონკრეტული სამინისტრო, რომ როგორმე რაღაც კომპეტენციები მიიტაცოს, სხვაგან წაიღოს და უზენაეს სასამართლოში დატოვოს ის, რაც აქ საქმიანობას შეუძლებელს გახდის“, - აღნიშნა კონსტანტინე კუბლაშვილმა.
მას მიაჩნია, რომ თუ პრემიერთან შეხვედრის საშუალება ექნება, მასთან აღნიშნულ საკითხზე ისაუბრებს, რადგან მისივე თქმით, მსგავსი პრობლემები ერთხელ და სამუდამოდ აღმოიფხვრას.
უზენაესი სასამართლოს თავმჯდომარე ამბობს, რომ თუ პრემიერმინისტრი, პრეზიდენტი და დანარჩენი ორი ხელისუფლების უმაღლესი თანამდებობის პირები სასამართლო ხელისუფლების საქმიანობაში აღარ ჩაერევიან, ეს მხოლოდ მისასალმებელი ფაქტი იქნება.
გუშინ სასამართლო რეფორმის სამუშაო ჯგუფის შეხვედრა გაიმართა, საიადანაც ცნობილი გახდა, რომ იუსტიციის სამინისტრო უზენაეს სასამართლოში საქმის გასაჩივრების პროცედურის გამარტივებას გეგმავს.