რუსეთმა უკრაინას ნება დართო, თავის ტერიტორიაზე სადამკვირვებლო ფრენები განახორციელოს

ამის შესახებ ინფორმაციას, „რია ნოვოსტი“ ავრცელებს.

გამოცემის ცნობით, აღნიშნული ნებართვით რუსეთი ცდილობს უკრაინა დაარწმუნოს, რომ რუსული შეიარაღებული ძალები საზღვართან უკრაინისთვის საფრთხის მომასწავლებელს არაფერს გეგმავენ.

რუსეთის საჰაერო სივრცეში უკრაინისთვის სადამკვირვებლო ფრენის ნებართვის შესახებ განცხადება დღეს რუსეთის ფედერაციის თავდაცვის მინისტრის მოადგილემ ანატოლი ანტონოვმა გააკეთა.

„უკრაინულმა მხარემ ჩვენ მოგვმართა თხოვნით, რუსეთის ფედერაციის ტერიტორიაზე ეგრეთ წოდებული საგანგებო სადამკვირვებლო ფრენის ჩატარების შესახებ... მართალია, უკრაინული თვითმფრინავის მიღების არანაირი ვალდებულება არ გვაქვს, მაგრამ ჩვენ სადამკვირვებლო ჯგუფს ასეთი ფრენის უფლება მივეცით. ვიმედოვნებთ, ჩვენი მეზობლები დარწმუნდებიან იმაში, რომ რუსეთის სამხედრო ძალები უკრაინის უსაფრთხოებისთვის საფრთხისშემცველ სამხედრო საქმიანობას მის საზღვართან არ ეწევიან“, - აღნიშნა ანტონოვმა.

ნინა შადური