გერმანიის კანცლერი ანგელა მერკელი აცხადებს, რომ გერმანიამ ხელი უნდა შეუშალოს რუსეთს, უკრაინისთვის ყირიმის "მოპარვაში".

აღნიშნული განცხადება გერმანიის კანცლერმა გერმანიის პარლამენტში სიტყვით გამოსვლისას განაცხადა.

გერმანული გამოცემა Die Zeit-ის ცნობით, ანგელა მერკელმა მკვეთრად გააკრიტიკა კრემლის ქმედებები და დაადანაშაულა რუსეთის პრეზიდენტი, რომ მან ფაქტობრივად, მოიპარა ყირიმი.

"ის, რაც ყირიმში ხდება, ანექსიაა, რომელიც რუსეთს არ უნდა შერჩეს", - აღნიშნა მერკელმა.

მისივე განცხადებით, გერმანიამ გარკვეული სიხისტე უნდა გამოიჩინოს ევროპული ფასეულობების დაცვის საკითხში.

გერმანიის კანცლერმა ხაზი გაუსვა რუსეთის წინააღმდეგ სანქციების შემოღებას და აღნიშნა, რომ მათ შესაძლოა ნეგატიური შედეგი ჰქონდეთ ევროკავშირის ქვეყნებისთვის,- "ამიტომ მნიშვნელოვანია, რომ ევროკავშირის ყველა ქვეყანა ლისაბონიდან რიგამდე, ერთიან აზრზე შეჯერდეს", - აღნიშნა ანგელა მერკელმა.

ნინა შადური