ყირიმში რუსული არმიის შეჭრისა და ნახევარკუნძულზე მომხდარი გადატრიალების გამო, სანატორიუმები და პანსიონატები უკვე ნახულობენ ზარალს. სამკურნალო პროფილის ცენტრები, რომლებიც ჩვეულებრივ მთელი წელი მუშაობენ, უკვე ცარიელდებიან: კლიენტები უკრაინიდან, რუსეთიდან და სხვა ქვეყნებიდან მასიურად აბრუნებენ საგზურებს, ახლებს კი არავინ ყიდულობს.

ზოგიერთმა სანატორიუმმა დახურვა ამჯობინა.

დასასვენებელ შენობებზე უკრაინულ დროშებსა და გერბებს ხსნიან.

ამავდროულად, ყირიმის უმაღლესი საბჭოს დეპუტატი გენადი ლიტოვჩენკო სანატორიუმებში დადის და ცდილობს მათი ხელმძღვანელობა დაარწმუნოს, რომ ავტონომიის რუსეთთან შეერთება თითქოსდა დადებითად აისახება საკურორტო სეზონზე.

მოამზადა ლევან ებრალიძემ.