ევროპის კომისიის პრეზიდენტი ჟოზე მანუელ ბაროზუ აცახადებს, რომ 16 მარტს დანიშნული რეფერენდუმი ყირიმის სტატუსის შესახებ, არაკანონიერია, რუსეთმა უნდა შეწყვიტოს ავტონომიის ანექსირების მცდელობები.

ამის შესახებ ბაროზუმ ევროპის პარლამენტში თემის - „რუსეთის უკრაინაში შეჭრა“, მოსმენისას განაცხადა.

„ჩვენ მოვუწოდებთ რუსეთის ფედერაციას შეწყვიტოს ავტონომიური რესპუბლიკა ყირიმის, რომელიც უკრაინას ეკუთვნის, ანექსიის ყველა მცდელობა. საჭიროა სიტუაციის დეესკალაციის დაუყოვნებელი გატარება და საერთაშორისო ნორმებზე დაყრდნობით, პოლიტიკური გადაწყვეტილების პოვნა. იმიტომ, რომ ამ დროისთვის, სიტუაცია ძალიან დაძაბული რჩება. უკრაინელმა ხალხმა უკვე ბევრი სისხლი დაღვარა, და აღარაა საჭირო ადამინთა სიცოცხლის გარისკვა“, - თქვა ბაროზუმ ევროდეპუტატების წინაშე გამოსვლისას.

„ყირიმში რეფერენდუმის დაკანონების ნებისმიერი მცდელობა ეწინააღმდეგება უკრაინის კონსტიტუციასა და საერთაშორისო ნორმებს. მკვეთრად ნათელია, რომ რეფერენდუმი არაკანონიერია“, - დასძინა ევროკომისიის პრეზიდენტმა.