ბულგარეთის სამხედრო-საზღვაო ძალებმა, რუმინეთთან და აშშ-თან ერთად, შავ ზღვაში წვრთნების დაწყების შესახებ გამოაცხადა. ამის შესახებ სააგენტო როიტერი იუწყება.

წვრთნები 11 მარტს უნდა დაწყებულიყო, თუმცა, ცუდი მეტეოროლოგიური პირობების გამო, სტარტი ერთი დღით გადაიდო.

უსაფრთხოების უზრუნველყოფის წვრთნები რუმინეთის ტერიტორიალურ წყლებში გაიმართება. მასში მონაწილეობას მიიღებენ ბულგარული სამხედრო-საზღვაო ძალების ფრეგატი, სამი რუმინული ხომალდი და ამერიკული საესკადრო ნაღმოსანი მართვადი სარაკეტო აღჭურვილობით Truxtun. ხომალდი წარმოადგენს ნაწილს დამრტყმელი ავიამზიდი ჯგუფისა, რომელსაც სათავეში უდგას ავიამზიდი ჯორჯ ბუში (George H.W. Bush), რომელიც აშშ-ის სამხედრო-საზღვაო ძალების მეექვსე ფლოტის პასუხისმგებლობის ზონაში მოქმედებს.

ეს, Arleigh Burke-ის ტიპის საესკადრო ნაღმოსანი აღჭურვილია ჰაერსაწინააღმდეგო თავდაცვის სისტემით Aegis რაკეტსაწინააღმდეგოებით და ასევე - ფრთიანი რაკეტებით Tomahawk.

მანამდე, ამერიკული სამხედრო-საზღვაო ძალების ხელმძღვანელობა იტყობინებოდა, რომ წვრთნები ყირიმის მოვლენებამდე დაიგეგმა.