პროკურორი - უგულავას და მისი შვილის სატელეფონო ჩანაწერს საქმესთან შემხებლობა აქვს

სამართალი - 13:54, 12 Mar, 2014

2752

თბილისის საქალაქო სასამართლოში, თბილისის განვითარების ფონდთან დაკავშირებული საქმის წინასასამართლო სხდომაზე პროკურორმა, ნათია სონღულაშვილმა განაცხადა, რომ გიგი უგულავას და მისი შვილის სატელეფონო ჩანაწერი სანქცირებულია და საქმესთან შემხებლობა აქვს.პროცესზე გიგი უგულავამ ბრალდების მხარეს მიმართა შეკითხვით, თუ რა შემხებლობა ჰქონდა მისი და მისი შვილის სატელეფონო ჩანაწერის დართვას საქმეზე. "2013 წლის დეკემბრიდან 2014 წლის თებერვლამდე სასამართლოსგან პროკურატურას ჰქონდა სანქცია მოსმენასთან დაკავშირებით. სწორედ ამის ფარგლებში მოხდა გიგი უგულავასა და მისი შვილის ჩანაწერის გაკეთება და ამას შემხებლობა აქვს საქმესთან", - განაცხადა პროკურორმა. პროცესი საქალაქო სასამართლოში ამ დრომდე მიმდინარეობს. წინა სასამართლო სხდომაზე ბრალდების მხარემ მტკიცებულებათა ნუსხა უკვე წარმოადგინა ამ დროისათვის მტკიცებულებათა ნუსხას კითხულობს დაცვის მხარე.გიგი უგულავამ თბილისის განვითარების ფონდთან დაკავშირებულ საქმის მასალებზე მისი და მისი შვილის სატელეფონო ჩანაწერის დართვის შესახებ განცხადება გუშინ გააკეთა. უგულაცვა აცხადებს, რომ აღნიშნულ ჩანაწერს საქმესთან შემხებლობა არ აქვს და იგი უკანონოა.

ნინა შადური