უკრაინა არ შეეცდება ყირიმის რუსული ოკუპაციის ძალით შეჩერებას, რათა მისი აღმოსავლეთ საზღვრები დარტყმის ქვეშ არ აღმოჩნდეს.

ამის შესახებ უკრაინის პრეზიდენტის მოვალეობის შემსრულებელმა ალექსანდრე ტურჩინოვმა Agence France-Presse-ს ინტერვიუში განუცხადა.

ჩვენ არ შეგვიძლია ყირიმში სამხედრო ოპერაციის დაწყება, იმიტომ, რომ ამით დარტყმის ქვეშ მოვაქცევთ უკრაინის აღმოსავლეთ საზღვრებს და უკრაინა დაუცველი აღმოჩნდება“, - თქვა ტურჩინოვმა.

მან ასევე აღნიშნა, რომ ყირიმის რეფერენდუმს, წინასწარ ფალსიფიცირებულად მიიჩნევს.

„ის, რასაც ისინი რეფერენდუმს უწოდებენ, განხორციელდება არა ყირიმში, არამედ კრემლის კაბინეტებში“, - განუცხადა პრეზიდენტის მოვალეობის შემსრულებელმა სააგენტოს.

მომაზადა ლევან ებრალიძემ.