პარტია "უდარის" ლიდერ ვიტალი კლიჩკოს ხარკოვში, მიტინგზე სიტყვით გამოსვლისას, პრორუსულმა აქტივისტებმა კვერცხები , ვაშლები და სხვადასხვა საგნები დაუშინეს. ინფორმაციას უკრაინული საინფორმაციო სააგენტო "censor.net" ჟურნალისტ ზურაბ ალასანიაზე დაყრდნობით ავრცელებს.

როგორც ჟურნალისტმა "ფეისბუქის" საკუთარ გვერდზე დაწერა, პრორუსულად განწყობილმა ახალგაზრდება ქუჩის მეორე მხრიდან კლიჩკოს პეტარდები, კვერცხები, ვაშლები და ქვები დაუშინეს. ახლოს მისვლა ვერ გაბედეს, რადგან კლიჩკოს ირგვლივ მისი მომხრეები იყვნენ. კლიჩკო მოუწოდებდა არ აჰყოლოდნენ პროვოკაციას.

ზურაბ ალასანიას თქმით, პრორუს აქტივისტებს, რომლებიც ხარკოვის ქუჩებში გადაადგილდებიან, უკრაინის სხვადასხვა ოლქში აგროვებენ, მათი გარკვეული ნაწილი კი რუსეთიდან ჩაჰყავთ.