დაკარგული ბოინგის სამაშველო ოპერაციაში 34 ვერტფრენი და 40 გემია ჩართული. ოპერაციაში 10-მდე სახელმწიფო მონაწილეობს. თუმცა, 30 საათიან სამძებრო ოპერაცის ჯერ შედეგი არ მოუცია - მალაიზიური თვითფრინავის კვალს ვერსად მიაგნეს.

რეისი MH370, რომლის ბორტზეც 239 მგზავრი იმყოფებოდა კუალა ლუმპუდან პეკინში მიფრინავდა. აფრენიდან 2 საათში ის რადარებიდან გაქრა. ვიეტნამის საზღვაო ძალებმა თავდაპირველად განაცხადეს, რომ თვითმფრინავი ვიეტნამის ტერიტორიულ წყლებში ჩავარდა. თუმცა, სამაშველო ოპერაციამ შედეგი არ გამოიღო.

„იზვესტიას“ ინფორმციით, დაკარგული მალაიზიური თვითმფრინავის მგზავრის ტელეფონზე ჩინელმა მოქალაქემ დარეკა. ჩინეთის მთავრობა ახლა ტელეფონის სიგნალის მეშვეობით ცდილობს თვითმფრინავის ადგილსამყოფელის დადგენას.

გამოძიება ცდილობს იმ ორი პირის დადგენას, რომლებიც დაკარგული თვითფრინავის ბორტზე, მოპარული პასპორტებით იმყოფებიან. ისინი თვითფრინავში იტალიური და ავსტრიული პასპორტებით მოხვდნენ, რეგისტრაცია ერთად გაიარეს. პასპორტების დაკარგვის შესახებ, პასპორტის მფლობელებს მისი დაკარგვისთანავე აქვთ გაცხადებული. შემთხვევა ცოტა ხნის უკან ტაილანდში მოხდა.

ამ ფაქტზე გამოძიება მიმდინარეობს, ოფიციოზი თვითფრინავის გაუჩინარებას, ტერორისტული აქტის კვალიფიკაციას ჯერ არ აძლევს. გამოძიება იმ ხუთი მგზავრითაც დაინტერესდა, რომლებიც რეისზე ბილეთები დაბრონეს, თუმცა, არ დარეგისტრირებულან. შედეგად, მათი ბარგი რეისიდან მოხსნეს.