აშშ-ს გაერთიანებული შტაბების მეთაურების კომიტეტის თავმჯდომარემ გენერალ მარტინ დემპსიმ განაცხადა, რომ ყირიმის კრიზისის ესკალაციის შემთხვევაში აშშ მზადაა დაეხმაროს უკრაინას და რუსეთს სამხედრო მოქმედებებით გასცეს პასუხი მისი მოკავშირეების დასაცავად.

„ჩვენ ვუთხარით რუსეთს, რომ მან უნდა შეწყვიტოს აღმოსავლეთ უკრაინაში სიტუაციის კიდევ უფრო გართულება და შექმნას გარემო ყირიმის კრიზისის მოსაგვარებლად. ჩვენ, ნატოს ფარგლებში, გვაქვს მოვალეობები და შეთანხმებები ჩვენ ევროპელი მოკავშირეების მიმართ. მე განვუცხადე ჩემ რუს კოლეგებს, რომ საჭიროების შემთხვევაში ამ შეთანხმებებს არ დავარღვევთ და შესაბამის პასუხს გავცემთ“, - განაცხადა დემპსიმ.