რუსეთის სახელმწიფო დუმის ოთხივე ფრაქციის ლიდერებმა მხარი დაუჭირეს ყირიმის ავტონომიური რესპუბლიკის პარლამენტის გადაწყვეტილებას ჩაატარონ რეფერენდუმი უკრაინის შემადგენლობიდან გამოსვლისა და რუსეთში შესვლის საკითხზე.

დუმის დსთ-ს საქმეთა კომიტეტის მეთაურმა ლეონიდ სლუცკიმ განმარტა, რომ ყირიმში 16 მარტის რეფერენდუმის შემდეგ რამდენიმე დღეში, „სახელმწიფო დუმა გააფორმებს გადაწყევტილებას, რომელსაც რეფერენდუმზე მიიღებს ყირიმელი ხალხი“. სპიკერმა ნარიშკინმა თავის მხრივ აღნიშნა, რომ დეპუტატები ყველაზე გადამწყვეტი ნაბიჯებით უჭერენ მხარს ყირიმის მოსახლეობას და მასში ფორმალურად არშემავალ სევასტოპოლს.

რუსი დეპუტატები თავად ჩავიდნენ ავტონომიურ რესპუბლიკაში და შეაფასეს იქ არსებული მდგომარეობა, რის შემდეგაც პარლამენტარებმა რუსეთის პრეზიდენტ ვლადიმერ პუტინს გაუგზავნეს თხოვნა აღედგინა რეგიონში მშვიდობა და დაეცვა მოქალაქეთა უფლებები.

მოამზადა ლევან ებრალიძემ.