ლავროვი: კერისთან ჯერჯერობით ურთიერთგაგებას ვერ მივაღწიეთ (ვიდეო)

მსოფლიო - 21:45, 06 Mar, 2014

2840

რუსეთის საგარეო საქმეთა მინისტრი სერგეი ლავროვი დღეს აშშ სახელმწიფო მდივან ჯონ კერის რომში შეხვდა. შეხვედრის შემდეგ რუსეთის საგარეო უწყების ხელმძღვანელმა ჟურნალიტებისათვის კომენტარი გააკეთა.
"გუშინ, პარიზში დაწყებული კონტაქტის შემდეგ ჩვენ რომში გავაგრძელეთ საუბრები, თუ როგორ მოვახერხოთ უკრაინის კრიზისის დაძლევა მაქსიმალურად ეფექტურ, სამართლებრივ, კონსტიტუციურ ჭრილში. რომელიც დაეფუძნებოდა 21 თებერვლის შეთანხმებას. ჯერჯერობით ურთიერთგაგებას ვერ მივაღწიეთ. ჩვენ ჯერ გვსურს კარგად გავიაზროთ, თუ რას გულისხმობენ ჩვენი პარტნიორები, როდესაც საერთაშორისო მექანიზმის შექმნას გვთავაზოვბენ, გაურკვეველია, როგორი იქნება მისი არსი და შემადგენლობა," - განაცხადა ლავროვმა.

მან ასევე აღნიშნა, რომ დაწვრილებით მოახსენებს პრეზიდენტ პუტინს იმ მოსაზრებებს, რომელიც მას დღეს აშშ საგარეო უწყების ხლემძღვანელმა გააცნო.

ჟურნალისტების კითხვაზე, თუ როგორ უპასუხებს რუსეთი აშშ-სა და ევროკავშირის მიერ დაწესებულ სანქციებს, ლავროვმა უპასუხა, რომ ჯერჯერობით, როგორც კერი აცხადებს, ასეთი სია რუსი ჩინოვნიკებისა თუ ბიზნესმენების შესახებ არ არსებობს.
"ეს მაინც მუქარაა, ისევე როგორც "დიდი რვიანის" ან რუსეთი-ნატოს საბჭოს მუშაობის შეჩერება," - თვლის ლავროვი და აცხადებს, რომ ასეთი ქმედებები ნორმალური მუშაობის საშუალებას არ იძლევა. "ილტიმატუმებისა და სანქციის საფრთხის ქვეშ ჩვენ პატიოსნად ვერ ვიმუშავებთ".