განცხადება ალექსანდრე ტურჩინოვმა თავის სატელევიზიო მიმართვაში გააკეთა.

,,ყირიმის უმაღლესმა რადამ, რომელიც სრულად კონტროლდება რუსეთის ფედერაციის შეიარაღებული ძალების მიერ, მიღო უკანონო გადაწყვეტილება რეფერენდუმის ჩატარების შესახებ. ეს გადაწყვეტილება არის არალეგიტიმური და იურიდიული ძალის არმქონე. ის ეწინააღმდეგება უკრაინელი ხალხის ნებას და ყირიმში მცხოვრები მოქალაქეების ინტერესებს. უკრაინის ტერიტორია არსებულ საზღვრებში, რომელიც აღიარებულია მთელი მსოფლიოს მიერ, ხელშეუხებელი და სუვერენულია. უკრაინის კონსტიტუციის 73-ე მუხლის თანახმად, გამორჩეულად, ხაზს ვუსვამ - გამორჩეულად, საერთო უკრაინულ რეფერენდუმზე არის მხოლოდ შესაძლებელი უკრაინის ტერიტორიისა და მისი საზღვრების შეცვლა“, - განაცხადა ტურჩინოვმა.

,,სხვათაშორის, ადგილობრივი რეფერენდუმის ათ დღეში ჩატარებას კი, შეუძლებელია. ამიტომაც, ეს არის ფარსი. ეს არის დანაშაული სახელმწიფოს წინააღმდეგ - ორგანიზებული რუსეთის ფედერაციის სამხედრო ძალების მიერ.

ჩემთვის მონიჭებული უფლებამოსილების ფარგლებში, მე შევაჩერე ყირიმის პარლამენტის გადაწყვეტილება. უკრაინის უმაღლეს რადაში მოვახდინე ინიცირება ყირიმის ავტონომიური რესპუბლიკის რადას დაშლის შესახებ. ჩვენ დავიცავთ ჩვენს ტერიტორიულ მთლიანობას. ჩვენ დავიცავთ ჩვენი ქვენის სუვერენიტეტს.

მე დარწმუნებული ვარ, უკრაინის მოქალაქეები, რომლებიც ცხოვრობენ ყირიმის ტერიტორიაზე, ამას მაქსიმალურად შეუწყობენ ხელს“, - ხაზი გაუსვა პრეზიდენტის მოვალეობის შემსრულებელმა.