როგორც "ნიუპოსტს" "სითი პარკის" პრესსამსახურის უფროსმა ლევან ტაბიძემ განუცხადა, მსგავს შემთხვევას ადგილი არ ჰქონია.

„მე გადავამოწმე აღნიშნული ინფორმაცია და არც ერთმა ადამიანმა ვინც საჯარიმოზე მუშაობს ეს ფაქტი არ დაადასტურა“, - განაცხადა „ნიუპოსტთან" საუბრისას ტაბიძემ.

რამდენიმე დღის წინ გავრცელდა ინფორმაცია, რომ "სითი პარკ“-ის ევაკუატორმა საჯარიმო ავტოსადგომზე მანქანა გადაიყვანა, რომელშიც მცირეწლოვან ბავშვს ეძინა.

მანქანის მფლობელის განმარტებით, ავტომობილი სუპერმარკეტის შესასვლელთან 15 წუთით გააჩერა, სადაც პარკინგი ნებადართული იყო.

მისივე თქმით, შენობიდან გამოსვლისას მას მანქანა არ დახვდა. მან ავტომობილის გამოყვანა მხოლოდ ერთი საათის შემდეგ მოახერხა.