რუსეთში კაპუსტინის პოლიგონზე, ასტრახანთან, დასავლეთის სამხედრო ოლქის ჰაერსაწინააღმდეგო სისტემების გამოცდა დაიწყო, რომლის ჩარჩოებშიც, პირველად, ერთ ადგილას თავმყორილია დასავლეთის ოლქის სახმელეთო დაჯგუფებები, ჩრდილოეთის ფლოტის ჰაერსაწინააღმდეგო ქვედანაყოფების ჩათვლით. სწავლებაში მონაწილეობას იღებს, აგრეთვე, ავიაცია.

ამის შესახებ დასავლეთის ოლქის პრესამსახურის წარმომადგენელზე ოლეგ კოჩეტკოვზე დაყრდნობით, ინფორმაციას ავრცელებს ,,იტარტასი“.

,,ეს არის დასავლეთის ოლქში ჰაერსაწინააღმდეგო სისტემების ყველაზე მსხვილი და მასშტაბური სწავლება“ - აღნიშნა კოჩეტკოვმა.

მისივე სიტყვებით, ამ აქციაში მონაწილეობას იღებს ჰაერსაწინააღმდეგო ძალების დაახლოებით 3500 სპეციალისტი და სამხედრო ტექნიკის 1000-ზე მეტი ერთეული. მისი გადმოსროლისთვის რუსეთის სხვადასხვა რეგიონებიდან ამოქმედებული იყო, დაახლოებით, 30 სამხედრო ეშელონი.

კოჩეტკოვის თქმით, რომ სწავლებაში იღებენ მონაწილეობას ,,С-300“-ის სარაკეტო კომპლექსები, ,,БУК-М1“, ,,ОСА“,,СТРЕЛА-10”და ,,ИГЛА“.