რუსეთის ფედერაციის პოზიცია ყირიმის შესახებ საბოლოოდ განისაზღვრება ნახევარკუნძულზე რეფერენდუმის შედეგების მიხედვით. ამის შესახებ ჟურნალისტებს რუსეთის სახელმწიფო დუმის დეპუტატმა ლეონიდ სლუცკიმ განუცხადა.

„სახელმწიფო დუმის ყველა ფრაქცია უკრაინის ტერიტორიული მთლიანობის მომხრეა. მაგრამ გვესმის ყირიმელების, რატომ აყენებენ ისინი რეფერენდუმზე ასეთ საკითხს“, - თქვა მან.

„აქედან (რეფერენდუმის შედეგიდან) გამომდინარე განვსაზღვრავთ რუსეთის ფედერაციის სახელმწიფო დუმის პოზიციას“, - ხაზი გაუსვა სლუცკიმ.