გამომდინარე იქიდან, რომ რუსეთის დაპირისპირებამ უკრაინასთან და დასავლეთთან ყირიმის გამო, შეიძლება მიიღოს სამხედრო ხასიათი,თურქეთის ხელისუფლებამ შეერთებული შტატების სამხედრო ფლოტის გემებს მისცა ბოსფორის გავლის ნებართვა 5 მარტიდან უახლოესი ორი დღის განმავლობაში,- წერს თურქული გამოცემა The Hurriyet Daily News.

წყარო არ აკონკრეტებს, აშშ-ს საზღვაო ფლოტის რომელ ხომალდებზეა გაცემული ნებართვა, თუმცა აღნიშნავს, რომ ეს ვერ იქნება ატომური ავიამზიდი ,,ჯორჯ ბუში“ მისი ზომებიდან გამომდინარე, რადგან 1936 წლის კონვენციით, შავ ზღვაში გემების საერთო წონა არ უნდა აღემატებოდეს 45 ათასს.