ევროპის უსაფრთხოებისა და თანამშრომლობის ორგანიზაციის სამხედრო დამკვირვებლები ყირიმში არ შეუშვეს.

ამის შესახებ ლიტვის საგარეო საქმეტა მინისტრი ლინას ლინკიავიჩიუსი იუწყება.

ეუთო სამოქალაქო დამკვირვებელთა მისიასაც ამზადებს, დაადასტურა მინისტრმა. მისი თქმით, ლიტვა მზადაა ორივე მისიაში მიიღოს მონაწილეობა. სამხედრო მისიაში ლიტვამ ორი ოფიცერი გაგზავნა. ასევე უკვე შერჩეულია დიპლომატი სამოქალაქო მისიისთვის.

„ჩვენ ძალიან გვინდა, რომ ისინი შეუშვან, მაგრამ არ შემიძლია ამის გარანტირება, რადგან ჩვენ ვხედავთ, რომ იქ სპეციფიკური ხელმძღვანელობაა, რომელიც მონდომებული არ არის სხვა ორგანიზაციებთან ურთიერთობისთვის, მაგრამ ვიმედოვნებთ, რომ ჩვენ შევძლებთ მათ დარწმუნებას“, - თქვა ლინკიავიჩიუსმა.

უკრაინის თხოვნით, ეუთოს 15-მა ქვეყანამ დამკვირვებელთა სამხედრო მისია ჩამოაყალიბა.