რუსეთის ფედერაციის პრეზიდენტმა ვლადიმერ პუტინმა უკრაინის კრიზისთან მიმართებაში დუმილი დაარღვია პრეს-კონფერენციაზე გამოსვლით, რომლის მსვლელობისასაც, The Guardian-ის ჟურნალისტის ალეკ ლუნის აზრით, რიგი ფაქტებისა გააყალბა. ავტორმა ხუთი მათგანი დაასახელა:

1. ყირიმის კონტროლის ქვეშ ამყვანი შეიარაღებული ადამიანები, - ეს ადგილობრივი თავაცვის დანაყოფებია. მართალია მათ ფორმაზე განმასხვავებელი ნიშნები არ იყო, მაგრამ მათი რუსული წარმომავლობა ადვილად ამოიცნობოდა, წერს ავტორი. გარადა ამისა, ისინი საეჭვოდ კარგად იყვნენ მომზადებული. The Guardian-ის ჟურნალისტებმა დაინახეს, რომ ყირიმის აეროდრომების დამკავებელი სამხედროები, რუსულნომრიანი ავტომობილებით დადიოდნენ.

2. გადატრიალება მოახდინეს ძალებმა, რომლებიც დასავლეთის მხარდაჭერით სარგებლობდნენ. ავტორი ამ აზრს არ ეთანხმება: „მართალია დასავლური დონორები ასიათასობით დოლარს უყოფდნენ იმ ორგანიზაციებს რომლებიც ვიქტორ იანუკოვიჩის რეჟიმის წინააღმდეგ გამოდიოდნენ, მაგრამ არ არსებობს მტკიცებულება, რომ აშშ და დიდი ბრიტანეთი ოპოზიციის სამხედრო მომზადებას ახორციელებდნენ“.

3. უკრაინაში პროტესტის მონაწილეებს ყოფილი ოპოზიციის სნაიპერები ხოცავდნენ. მიუხედავად იმისა, რომ პუტინი ამის დასამტკიცებლად პუტინი „ღია წყაროების მასალებს“ ეყრდნობოდა, არსებობს ასევე ვიდეკადრები, რომლებშიც ადამიანებს მილიციის ფორმიანი სნაიპერები ესვრიან, ნათქვამია სტატიაში.

4. პროევროპელი დემონსტრანტები ესროდნენ და ცეცხლს უკიდებდნენ ყოფილი მმართველი პარტიის წარმომადგენლებს. სინამდვილეში, პროტესტის მონაწილეები ქვებსა და „მოლოტოვის კოქტეილებს“ ესროდნენ „პარტია რეგიონების“ შენობას 18 თებერვალს, რის შემდეგაც ხანძარი გაჩნდა. მაშველებმა რამდენიმე ადამიანი გამოიყვანეს, მაგრამ ერთი თანამშრომლის გადარჩენა ვეღარ შეძლეს.სანდო შეტყობინება იმის შესახებ, რომ ვინეს ესროლეს, არ ყოფილა.

5. იანუკოვიჩი უკრაინის ლეგიტიმური პრეზიდენტია. ერთიმხრივ, რუსეთის პრეზიდენტი დაეთანხმა იმას, რომ უკრაინის ყველა წინა ხელისუფლება „ცრუპენტელა“ იყო, და აღიარა, რომ იანუკოვიჩს არ გააჩნია ხელისუფლება და პოლიტიკური მომავალი. მეორემხრივ, ის ირწმუნება, რომ იანუკოვიჩი ლეგიტიმურ პრეზიდენტად რჩება, აღნიშნავს ურთიერთსაწინააღმდეგოს ალეკ ლუნი.