ამის შესახებ განცხადება კომისარმა ენერგეტიკის სფეროში გიუნტერ ოტინგერმა მას შემდეგ გააკეთა, რაც "გაზპრომმა" უკრაინისთვის ბუნებრივი აირის მიწოდებასთან დაკავშირებით დაწესებული შეღავათები გააუქმა.

როგორც “გაზპრომის” ხელძღვანელმა რუსეთის პრემიერთან შეხვედრაზე განაცხადა, უკრაინელი პარტნიორები არ ასრულებენ მოლაპარაკების პირობებს. რუსული მხარის გამოთვლით, კიევმა ვალის სახით მილიარდ-ნახევარი დოლარი უნდა გადაიხადოს.

მომხდართან დაკავშირებით რუსეთის პრემიერმინისტრმა დიმიტრი მედვედევმა ფინანსთა სამინისტროს არსებული მდგომარეობის შესწავლა და უკრაინისთვის 2-დან 3 მილიარდ დოლარამდე კრედიტის გამოყოფის განხილვა დაავალა.