თბილისში ზაზიაშვილის ქუჩაზე 43 წლის ჩაცხრილული ბიზნესმენის დედა, მომღერალ სოსო პავლიაშვილს მიმართავს. ავთანდილ ადუაშვილის ოჯახი ირწმუნება, რომ მკვლელობის შემკვეთი რუსეთში მოღვაწე, ქართველი მომღერალია.

ადუაშვილები პროკურატურას სოსო პავლიაშვილის წინააღმდეგ საქმის გამოძიების დაწყებას ისევ სთხოვენ.

როგორც სოსო პავლიაშვილმა „ქრონიკასთან“ საუბრისას განაცხადა, იგი უახლოეს მომავალში პრესკონფერენციის ჩატარებას და აქამდე უცნობ დეტალებზე საუბარს გეგმავს.

პავლიაშვილი ქართულ პროკურატურას მოსკოვში ჩასვლას და დაკითხვას სთხოვს.

მომღერალი ამბობს, რომ მეგობრის სიკვდილთან საერთო არაფერი აქვს, ოჯახის პროვოცირებას კი ვიღაც შეგნებულად ახდენს,- „მგლოვიარე დედის გაგიჟებას არაფერი არ უნდა".

ნინა შადური