ყირიმული ტურ-ოპერატორები მზად არიან რუსებს 50%-იანი ფასდაკლება შესთავაზონ, რათა უზრუნველყონ ტურისტების დიდი ნაკადი.

რუსეთის კულუტურის მინისტრი ვლადიმერ მედინსკი რუსებს მოუწოდებს, დაისვენონ ყირიმსა და კრასნოდარის მხარის კურორტებზე.

მედინსკის თქმით, ყირიმი ახლა უკრაინის ყველაზე უსაფრთხო რეგიონია. გარდა ამისა, მედინსკიმ დასძინა, რომ კლიმატის თვალსაზრისით ყირიმი ყოფილი საბჭოთა კავშირის მთელ ტერიტორიაზე საუკეთესო ადგილია. ამასთან, ყირიმში 500-ზე მეტი სანატორიუმი მუშაობს.

„ჩვენ მოვუწოდებთ რუს ტურისტებს, რომ თუ ისინი დაიღალნენ ეგვიპტის მწველი მზისაგან, მაშინ წელს დაისვენონ ყირიმსა და კრასნოდარის მხარეში, ვინაიდან უკეთესი ალტერნატივა არ არსებობს,“ - განაცხადა მინისტრმა.