უკრაინის კონფლიქტის მოგვარებამდე ამერიკის შეერთებულმა შტატებმა შეაჩერა თანამშრომლობა რუსეთთან სამხედრო და სავაჭრო სფეროებში, აგრეთვე აშშ წყვეტს ნებისმიერ მოლაპარაკებებს ინვესტიციებთან დაკავშირებით.

,,ჩვენ გადავდეთ სავაჭრო და საინვესტიციო ხელშეკრულებების გაფორმება რუსეთის ფედერაციის მთავრობასთან, რომელიც მზადდებოდა კომერციული ურთიეთობების გაღრმავების მიზნით"-ამის შესახებ ნათქვამია აშშ-ს ვაჭრობის სამმართველოს განცხადებაში.

უფრო ადრე ვრცელდებოდა ინფორმაცია, რომ ამერიკამ უკრაინაში შექმნილი სიტუაციიდან გამომდინარე გაწყვიტა ყოველგვარი კონტაქტი რუსეთთან სამხედრო სფეროში.