უკრაინის საგარეო საქმეთა სამინისტრომ აშშ-ს, ევროკავშირსა და ნატოს უკრაინაში ბირთვული ობიექტების დაცვის თხოვნით მიმართა.

"ჩვენ გავგზავნეთ თხოვნის წერილი, ვინაიდან შესაძლოა ასეთი საფრთხე არსებობდეს. ვფიქრობ, ჩვენი პარტნიორები ყურადღებით შეისწავლიან არსებობს თუ არა ამის შესაძლებლობა. მიმაჩნია, რომ არავის აქვს სურვილი დაუშვას, ჩერნობილის მსგავსი კატასტროფა მოხდეს", - განაცხადა უკრაინის საგარეო საქმეთა მინისტრის მოვალეობის შემსრულებელმა ანდრეი დეშიცამ.

იგი იმედოვნებს, რომ მსოფლიო საერთაშორისო სოლიდარობას გაუწევს უკრაინას.

საგარეო უწყება ასევე იმედს გამოთქვამს, რომ რუსეთთან კონფლიქტი დიპლომატიური გზებით გადაწყდება.