დიდი ბრიტანეთის პრემიერ-მინისტრმა დევიდ კემერონმა, უკრაინაში შექმნილ ვითარებაზე საერთაშორისო რეაგირებასთან დაკავშირებით, დღეს, ეროვნული უსაფრთხოების საბჭო მოიწვია.

ამის შესახებ, კემერონმა საკუთარ ტვიტერზე დაწერა.

სხდომის ჩატარების დრო დაზუსტებული არ არის.

ამავდროულად, როგორც უკრაინის პარლამენტის საიტი იტყობინება, დიდი ბრიტანეთის საგარეო საქმეთა მინისტრმა უილიამ ჰეიგმა, უმაღლესი რადას თავმჯდომარესთან, ალექსანდრე ტურჩინოვთან შეხვედრისას, ყირიმში მიმდინარე მოვლენებს „უკრაინის ტერიტორიული მთლიანობისა და სუვერენიტეტის დარღვევა უწოდა“.

„ჩვენ გადამწყვეტ ნაბიჯებს მივმართავთ იმისათვის, რომ ეს შეწყდეს. მსოფლიო არ დატოვებს უკრაინას“, - განაცხდა ჰეიგმა.