აშშ-ის სახელმწიფო მდივანმა ჯონ კერიმ უკრაინაში რუსულ მოქმედებებს უწოდა „აგრესიის წარმოუდგენელი აქტი“, რომელიც წარმოადგენს „გამაოგნებელ გამიზნულ არჩევანს“ - შეჭრა „მიზეზის ფაბრიკაციის საფუძველზე“.

კვირას, სატელევიზიო თოქ-შოუში გამოსვლისას ჯონ კერიმ აშშ-ისა და სხვა ქვეყნების მხრიდან „ძალიან სერიოზული შედეგებით“ დაიმუქრა, მათ შორის სანქციებით, რომლებიც რუსეთს, ეკონომიკური თვალსაზრისით, იზოლაციაში მოაქცევენ.

კერის თქმით, რუსეთის ქცევა მიესადაგება მეცხრამეტე საუკუნეს და არა - ოცდამეერთეს.

კერიმ თქვა, რომ შაბათს დიდი რვიანის საგარეო საქმეთა მინისტრებს ესაუბრა, ყოველი მათგანი მზადაა, რომ ბოლომდე წამოვიდეს რუსეთის იზოლაციისთვის. კერიმ ასევე აღნიშნა, რომ შესაძლოა შემოიღონ სავიზო სანქციები, აქტივებისა და ვაჭრობის გაყინვა და ასევე საინვესტიციო ჯარიმები რუსეთის მიმართ.

„რუბლი უკვე ეცემა ამის შედეგების მოლოდინში“, - განაცხადა კერიმ.

თუ ეს გაგრძელდება, რუსეთი შეიძლება დიდ რვიანში ვეღარ დარჩეს, დასძინა კერიმ.