რუსეთის შავი ზღვის ფლოტის დიდმა სამხედრო გემმა „ნიკოლაი ფილჩენკოვმა“ სევასტოპოლში დაახლოებით 700 შეიარაღებული ადამიანი, სავარაუდოდ რუსეთის საჰაერო-სადესანტო ჯარების შემადგენლობების დანაყოფები, ჩაიყვანა.

ამის შესახებ სააგენტო „უნიანს“ სამხედრო წყარომ სევასტოპოლიდან შეატყობინა.

ინფორმატორის თქმით, გემმა ღუზა ჩაუშვა რუსეთის ფედრაციის შავი ზღვის ფლოტის საზღვაო ფეხოსნების ბრიგადის დისლოცირების ადგილას.

მისი თქმით, ბოლო დღეებში, ყირიმში რუსეთიდან სულ სპეცრაზმელთა 6 ათასი ჯარისკაცი გადაისროლეს. დანაყოფები დანაწილებულია ყირიმისა და სევასტოპოლის სხვადსხვა რაიონში.