ვიქტორ იანუკოვიჩის თქმით, დემონსტრანტების მისამართით სროლის ბრძანება მას არ გაუცია. მისივე განმარტებით, მილიცია უიარაღო იყო, სანამ ,,მათ სროლა არ დაუწყეს. თავდასხმები მასიური იყო“, - ამის შესახებ იანუკოვიჩმა როსტოვში გამართულ საგანგებო პრესკონფერენციაზე განაცხადა.

,,მაიდნის წარმომადგენლებთან უამრავი შეხვედრა მქონდა და ყველას მიზანი იყო სიტუაციის მშვიდობიანი დარეგულირება.

ვიმეორებ, დასარეგულირებლად არ მივმართავ სხვა საშუალებას გარდა მშვიდობიანისა. რაც მოხდა იმათ სინდისზეა ვინც ეს გააკეთა. არ გამიცია სროლის ბრძანება. მილიცია უიარაღოდ იყო სანამ მათ სროლა არ დაუწყეს. თავდასხმები მასიური იყო.

რაც შეეხება ჰააგას, ჯერ დამოუკიდებელი გამოძიება უნდა ჩატარდეს და მერე შეიძლება ვილაპარაკოთ რაიმე სასამართლოზე. მე ხშირად მაპროვოცირებენ. დარწმუნებული ვარ სიმართლე იზეიმებს. მიმდინარეობს საშინელი თეატრალური წარმოდგენა. ჩვენ გუნდზე უფრო დაინტერესებული არავინ ყოფილა, რომ სცენარი სისხლისღვრის გარეშე განვითარებულიყო“, - განაცხადა იანუკოვიჩმა.