დიდი ბრიტანეთი გულდასმით დააკვირდება რუსული სამხედრო ძალების სწავლებებს, რომლებიც მოულოდნელად დაიწყეს 26 თებერვალს.

ამის შესახებ, დღეს, სამეფოს თავდაცვის მინისტრმა, ფილიპ ჰამონდმა განაცხადა. მან აღნიშნა, რომ ბრიტანულმა მხარემ იცის რუსეთის პრეზიდენტის ვლადიმერ პუტინის ბრძანების შესახებ შეამოწმონ დასავლეთისა და ცენტრალური სამხედრო ოლქების საბრძოლო მზადყოფნა. ამიტომ დიდი ბრიტანეთის შეიარაღებული ძალები მოვლენათა განვითარებას აკვირდებიან.

ამასთან, ჰამონდმა არ თქვა, შეიძლება თუ არა, პუტინის ბრძანება, უკრაინაში შეჭრისათვის მზადებად ჩაითვალოს.

თუმცა, მან ყველა ქვეყანას მოუწოდა უკრაინის წინააღმდეგ სამხედრო ოპერაციებისაგან თავი შეიკავონ და მისცენ უკრაინელებს შესაძლებლობა თავად განსაზღვრონ საკუთარი მომავალი.

შეგახსენებთ, რომ რუსეთის თავდაცვის მინისტრმა, სერგეი შოიგუმ განაცხადა, რომ რუსეთის ჯარების ბრძოლისათვის მზადყოფნის შემოწმება, უკრაინასთან დაკავშირებვული არ არის.