ხოჯკინის ლიმფომა ონკოლოიურ დაავადებათა შორის დღეს მსფოლიოში ერთ-ერთ ყველაზე აგრესიულ ფორმად ითვლება.

ხოჯკინის ლიმფომა არის კიბო, რომელიც ადამიანის ორგანიზმში ლიმფური კვანძებით ვრცელდება და დაავადების ამ ფორმით წელიწადში 1500-მდე ახალი შემთხვევა ფიქსირდება.

ეს დაავადება პირველად ამერიკელმა ექიმმა ტომას ხოჯკინმა აღწერა. ის უმეტესად თეთრი რასის წარმომადგენლებში ფიქსირდება და ხშირ შემთხვევაში ახალგაზრდებს ემართებათ. დაავადება ზოგ შემთხვევაში ძალიან სწრაფად პროგრესირებს და (4-6 თვეში) ფატალური შედეგით მთავრდება, ხოლო ზოგ შემთხვევაში 10-20 წლის განმავლობაშიც კი გრძელდება.

ავადმყოფს დიდი ბრიტანეთიდან, იან ბრუქსს დაავადების სწორედ ის ფორმა დაუდგინდა, რომელიც ძალიან სწრაფად პროგრესირებს, მას ექიმებმა მხოლოდ რამოდენიმე კვირის სიცოცხლე მისცეს. აღსანიშნავია, რომ ამ დაავადების შემთხვევაში ხშირია სრული რემისიის შემთხვევები, თუმცა სწრაფად პროგრესირებადი სახეობის დროს, ეს იშვიათად ხდება.

იან ბრუქსი არის სწორედ ის ავადმყოფი, რომელიც ამერიკის შეერთებული შტატების ფარგლებს გარეთ, დიდ ბრიტანეთში დაავადების ყველაზე მწვავე ფორმისგან განიკურნა.

კომიუტერულმა სკანირებამ მკურნალობის დაწყებამდე დააფაიქსირა, რომ ბრუკსის მთელი სხეული მრავლობითი სიმსივნური წარმოანქმნებით იყო დაფარული.

მეორე სკანირებისას, რომელიც გაკეთებულია ამერიკული პრეპარატის „Brentuximab Vedotin“-ით მკურნალობის შემდეგ, მხოლოდ ერთადერთი შავი წერტილია დაფიქსირებული, ხოლო კლინიკური მონაცემებით, პაციენტის თირკმელები და შარდის ბუშტი ნორმალურად ფუნქციონირებს.

პრეპარატის კლინიკური გამოცდა დიდ ბრიტანეთში, მანჩესტერის კლინიკა ,,The Christie Hospital“-ში იმდენად წარმატებული აღმოჩნდა, რომ ეს პრეპარატი ხელმისაწვდომი გახდა სხვა ანალოგიური მძიმე ფორმით დაავადებულ პაციენტთათვის.

იან ბრუქსი აღნიშნავს ,,მე არ ვფიქრობ, რომ შევძლებდი ვყოფილიყავი თქვენს შორის, რომ არა ეს პრეპარატი. ჩემი მკურნალი ექიმი იყო გაოგნებული, როცა მან დაინახა სკანირების შედეგები, რომელიც მან ახლა მიჩვენა. მე მქონდა 60-70 სიმსივნური წარმონაქმნი და ისინი გაქრნენ“.