პოლიციიდან წამოსვლამდე ორი დღით ადრე “კრიმპოლის” თანამშრომლებს ბერა ივანიშვილის დაცვა დაავალეს, რაზეც უარი განვაცხადე, - ამის შესახებ გოგა ონიანმა დღევანდელ სასამართლო პროცესზე განაცხადა.

როგორც ონიანმა განმარტა, პოლიციიდან წამოსვლამდე ორი დღით ადრე “კრიმპოლის” თანამშრომლებს ბერა ივანიშვილის დაცვა დაავალეს, რაზეც მან უარი განაცხადა, რადგან ონიანის თქმთ, იგი თვლიდა, რომ ეს უკანონობა იყო.

„სანამ პოლიციიდან წამოვიდოდი, 2 დღით ადრე „კრიმპოლის“ ყველა თანამშრომელი დაგვიბარეს და გვითხრეს, რომ სტადიონზე ტარდებოდა ბერა ივანიშვილის კონცერტი, სადაც ყველა უნდა წავსულიყავით, დავმდგარიყავით კარებში და დაგვეცვა ბერას უსაფრთხოება, რაზეც მე უარი განვაცხადე და ვუთხარი, რომ ეს იყო უკანონობა, რადგან კერძო პირის კონცერტს სახელმწიფო რესურსს არ უნდა ახარჯავდნენ და მით უმეტეს ივანიშვილს არ ჰქონდა იმის გასაჭირი, რომ დაცვის პოლიცია დაექირავებინა ამ საქმისთვის“,- აღნიშნა ონიანმა.

ნინა შადური